Киир

Киир

Бу ураа муостаахтар кимтэн да куттамматтар, “һай-һат” да диэни билиммэттэр. Үүрдэххэ сөбүлээбэккэ кынчыаттаналлар. Чиккэлээҕинэн көрө-көрө, хата, эйигин муостарынан сиэлийиэх курдуктар. Бу ынахтар хаһаайыттарын булаттаан куорат былаастара хаста да сэрэтэлээн тураллар. Маннык помуойаларынан мэччийэ сылдьалларыгар ыстараап көрүллүөхтээх этэ. Ону хаһаайыттар букатын кымаардаабаттар эбит.

Манна ынах сиирэ туох да суохМанна ынах сиирэ туох да суох

Аммосов уонна Өктөөп 50 сылын ааттарынан уонна Комсомольскай уулуссалартан аллараа, даачалар оройуоннарыгар ынахтары үгүстүк көрүөххэ сөп. Тоһоҕолоон эттэхпинэ - Кыра тайахтаах үрүйэтин сүнньүнэн нэһилиэнньэ помуойатын тоҕуталыыр сирдэригэр. Гагарин уулуссатын таһыттан, Комсомольскайынан, ТЗБ-нан үрүйэ Иирэлээх үрэҕэр силбэһэр сиригэр тиийэ.

Үрүйэ үрдүнээҕи бөх кэмигэр хомуллубатҮрүйэ үрдүнээҕи бөх кэмигэр хомуллубат

Куорат тула бөххө хаһаайыттара босхо ыыппыт ынахтара мусталлар. Кыра тайахтаах үрүйэтин үрдүгэр помуойа мунньар аналлаах дьааһыктаах сир бөххө-сахха көмүлүннэ. Хоммунаалынай сулууспалар кэмигэр тиэйэн испэттэр. Ураа муостаахтарга – бу дьэ ааттаах.

Ураа муостаах помуойаны сүргэйэрУраа муостаах помуойаны сүргэйэр

Даҕатан эттэххэ, Мииринэй чааһынай дьиэлэрдээх эҥээригэр, дьон ынаҕы син балачча ииттэллэр. Ол эрээри, манна, мыраан-бадараан сиргэ ынах сүөһүгэ мэччирэҥ ончу суох. Кыра тайахтаах үрэххэ ынах сүөһү тугу да дуоннааҕы булан аһаабат сирэ. Чэҥкир талах, сытыган от, сүөһү батыллар кутата.

Ураа муостаахтар Мииринэй кытыытын кэрийэллэрУраа муостаахтар Мииринэй кытыытын кэрийэллэр

Ол иһин ынахтар куорат сыбаалкаларын кэрийэ сылдьан аһыыллар.

Көөнньө сытыйбыт ас тобоҕунан-ибэҕинэн аһыыр ынах сүөһү төһө үчүгэй үүтү үрүлүтээхтиэй?

Мэччирэҥ сирэ мэлигирМэччирэҥ сирэ мэлигирЫрыганнаабыт

Станислав Алексеев. Мииринэй куората. Ааптар хаартыскалара.

Тарҕат:

Санааҕын суруй