Дьокуускай куорат олохтооҕо түүҥҥү чуумпуну уйгуурдан 20 тыһ. солк. ыстырааптанна. Саха сиригэр 22 ч. кэннэ дьону утуппатах айдааннаах кыбартыыра хаһаайынын маннык моральнай хоромньуну төлөттөрөр – бастакы дьыала. Бу туһунан мээрийэ пресс-сулууспата иһитиннэрэр.
Дьиэлээх хаһаайын кыбартыыратын күнүнэн куортамҥа биэрэр эбит. Онно, биллэн турар, күн аайы айдааннаах, бэһиэлэй хампаанньалар суксуруспуттар, ыалларын олох сүгүн утуталаабат эбиттэр. Ыаллара тулуйбакка хаһаайыны суукка үҥсүбүт. Бэс ыйын 7 күнүгэр Дьокуускай куораттааҕы суут дьиэлээх хаһаайын ыалыгар 20 тыһ. солкуобай моральнай хоромньуну төлөтөргө уураахтаабыт. Боротокуолу Губинскай уокурук юриһа Туйаара Николаева толорбут уонна суукка ону бигэргэппит. Ол иннинэ административнай хамыыһыйа 5 тыһ. солк. ыстарааптаабыт.
Санатар буоллахха, бэнидиэнньиктэн бээтинсэҕэ диэри киэһэ 21 ч. сарсыарда 8 ч., өрөбүллэргэ - 22 ч. сарсыарда 10 ч. диэри тыаһыыр, айдаарар бобуллар. Ону кэстэххинэ 1 тыһ. - 5 тыһ. солк. диэри ыстараап көрүллэр, юридическэй сирэйдэр - 50 тыһ. солк. саҕалаан 250 тыһ. солк. диэри.
