Киир

Киир

Дьокуускай баһылыгын куорат хаһаайыстыбатын боппуруостарыгар солбуйааччы Егор Ефимович Кардашевскай куорат чааһынай дьиэтигэр гаас киллэрэргэ көрүллэр аадырыстаммыт материальнай көмө бырагырааматын туһунан кэпсээтэ.

 – Егор Ефимович, чааһынай дьиэҕэ гаас киллэрэргэ көрүллэр биир кэмнээх материальнай көмө туһунан ааҕааччыларбытыгар анаан кэпсиэҥ дуу?

– Чааһынай дьиэни гаастааһыҥҥа аадырыстаммыт көмө СӨ Бырабыыталыстыбатын, чуолаан эттэххэ, Үлэ уонна социальнай сайдыы министиэристибэтин уонна Дьокуускай куорат дьаһалтатын өйөбүллэринэн оҥоһуллар. Өрөспүүбүлүкэ нэһилиэнньэлээх пууннарын гааһынан хааччыйар сыалтан СӨ Бырабыыталыстыбатын 2010 сыл кулун тутар 19 күнүгэр 104 №-дээх ыйааҕы таһааран турар.

– Бүгүҥҥү туругунан төһө ыал кэмпэнсээссийэ ылла?

– Бырагыраама 2010 сылтан үлэлиир. Урукку сылларга аадырыстаммыт көмөҕө улахана суох үп көрүллэр эбит буоллаҕына, быйыл бырагыраама үлэлээбит сылларын тухары хаһааҥҥытааҕар да элбэх үп-харчы көрүлүннэ. Ол курдук, 22 мөл. солк. гааска холбоммут дьоҥҥо көмө бы­һыытынан түҥэтиллэр. Билиҥҥи туругунан өссө 100-150 ыал кэмпэнсээссийэ ылар кыахтаах.

– Материальнай көмө туох сүрүн ирдэбиллээҕий?

– Бастатан туран, гаас чааһынай дьиэҕэ киириэхтээх. Ыал орто дохуота биир киһиэхэ ыйдааҕы тииһининэн олоруу алын кээмэйиттэн 1,5 төгүл элбиэ суохтаах (30 899 солк.). Бу ирдэбиллэргэ эппиэттэһэр, итиэннэ былырыын эбэтэр быйыл гаас хочуолун, гаас билииккэтин, счётчиги, тутуу матарыйаалларын (арадьыйаатары, ыстаал, былаастык турбалары) атыылаһан хааччыммыт буоллаҕына, 150000 солк. диэри ороскуотун төнүннэрэр бырааптаах.

– Көмө төлөбүрү ким ылыан сөбүй?

– Кыаммат ыал уонна үлэлиир саастаах соҕотох киһи дохуота ыйдааҕы тииһинэн олоруу кээмэйиттэн 1,5 төгүл элбиэ суохтаах. Ол биир киһиэхэ 30 899 солк. буолар.

Орто дохуота ыйдааҕы тиийинэн олоруу кээмэйиттэн 2 эрэ төгүл үрдүк буоллаҕына, соҕотох олорор, үлэлээбэт биэнсийэлээх эмиэ хапсар. Ол эбэтэр ыйдааҕы дохуота 41 198 солк. кыра буолуон наада.

Аҕа дойду Улуу сэриитин кыт­тыы­лааҕа, огдообото, инбэлиитэ, “Былаакада кэмигэр Ленинград олохтооҕо” бэлиэлээх киһи уонна тыыл бэтэрээнэ ыйга төһө дохуоттааҕыттан тутулуга суох көмө төлөбүрү ылар бырааптаах.

– Кэмпэнсээссийэ кээмэйэ төһөнүй?

– 2021 сыл ахсынньы 31 күнүгэр диэри гаас киллэртэрэргэ ороскуотурбут дьон саамай элбээбитэ 100 000 солк. көмө быһыытынан ылаллар. Онтон 2022 сыл тохсунньу 1 күнүттэн гаас холботторбут ыал 150 000 солк. ылар кыахтаах.

– Чааһынай дьиэлэрин гааска холботторбут дьон материальнай көмөнү хантан ылалларый? Хайдах дьаһаналларый?

– Олорор сирдэригэр баар куорат быраабатыгар сайабылыанньа суруйаллар, туһааннаах докумуоннары туттараллар. Маннык докумуоннар ирдэнэллэр: сайабылыанньаны суруйбут киһи пааспарын куоппуйата, үлэ киниискэтэ, үс бүтэһик ыйга ыал дохуотун туоһулуур ыспыраапка, гааһы киллэртэрбитин туоһулуур бырайыак-симиэтэтэ, дьиэни гаас ситимнэригэр холботторбут тэхиниичэскэй усулуобуйалар. Өскөтүн үлэ барбыт уонна төлөнө илик буоллаҕына, дуогабар эбэтэр тэриллэри атыыласпыт, аҕалтарбыт чиэгэ, тутар-таҥар үлэ дуогабара, гаастааһыҥҥа оҥоһуллубут үлэ аага наада буолар. Эбии счёт реквизитин, гааһы киллэртэрэргэ атыыласпыт тэриллэрин, матырыйаалларын финансовай докумуоннарын ирдииллэр.

“Куорат хаһаайыстыбатын эксплуатациялааһын

сулууспата” МКУ

Тарҕат:

Санааҕын суруй

Бүтэһик сонуннар

Полина Гагарина