Киир

Киир

Бу маннык үөрэтии ДШИ-га эбэтэр оҕо ускуустубатын оскуолатыгар ыытыллар. Оҕолору муусукаҕа уһуйуу икки көрүҥнээх – «идэҕэ чопчу туһаайыы» (предпрофессиональное) уонна «дэгиттэр сайыннарар салаа» (общеразвивающее).

Ити курдук, сүрүн үөрэхтэрин сэргэ оҕолор скрипка, фортепиано, гитара уонна байаан курдук уһуйааннарга сылдьаллар.

Мииринэйдээҕи ускуустуба оскуолатыгар хомуска үөрэтэр уһуйааны аспыттара үс сыл буолла. Урут маннык үөрэтии суоҕа. Хомустуурга үөрэниэн баҕалаах 7-тэн 10-гар диэри саастаах оҕолору быйыл сааһы быһа ДШИ-га ыҥырдылар.

2022–2023 үөрэх дьылыгар анаан хомусчуттары сүүмэрдээһин бүтэн эрэр. Уһуйаан түөрт сыллаах. Оҕолору хомуска үөрэтээһиҥҥэ ирдэбил кытаанах. Бастатан туран, эмчиттэр кэмииссийэлэрэ оҕолор доруобуйаларын туругун кичэллээхтик тургутар. Оҕо хомуһунан дьарыгырарыгар бүтүн хамыыһыйа сөбүлэҥ биэриэхтээх. Хомуска уһуйуллуу – сүрдээх уустук. Маны оҕолор дьаныһан туран баһылыыллар.

Станислав Алексеев. Мииринэй куорат. Ааптар хаартыската.

Тарҕат:

Санааҕын суруй