Аҕыйах хонуктааҕыта Дьокуускай куорат Бүлүү тыраагын 3 км баар 53 нүөмэрдээх “Хёндэ” автосалоҥҥа (“Востокевротехника” ХЭУо)) бара сырыттым. Билиҥҥи олох ирдэбилигэр эппиэттиир аныгылыы тутуулаах таас өстүөкүлэлэрдээх, дьоһун архитектурнай көстүүлээх дьиэ ыраахтан киһи хараҕар тута быраҕыллар. Хас биирдии аттынан ааһан иһэр киһи, билэр-көрөр баҕата баһыйан, син биир киирэн көрөн-истэн таҕыстаҕына табыллар. Мин да онтон хаалсыбатым. Киһини бэйэтигэр маҕыньыыт курдук тардан ылар солуон иһигэр киирбиппин өйдөөбөккө да хааллым.
Киирээккин администратор кыыс туох наадаҕа кэлбиккин ыйыталаһан баран “Чэй, кофе” иһэргин туоһулаһар, күндүлүүр. Бастакы этээскэ эдэркээн саха кыргыттара, уолаттара үлэлии олороллорун ис дууһабыттан сэҥээрэ, харахпынан хайгыы көрөбүн. Хараҕым тута собуоттан тахсыбытынан килэйэн-халайан турар массыыналарга хатанар. “Эчи хаарыаныы-ыы, үйэҕэ биирдэ сабыс-саҥа массыынаҕа олорор дьол хаһан эмит тосхойуо дуо?” диэн ыра санаа ымыытыгар куустаран турдахпына биир эдэркээн уол чугаһаан кэпсэтэр. Билсэбит.
Артур Шарин – тэрилтэ атыыга отделын салайааччыта:
—Биһиги хампаанньабыт “Нyundai” кэриэй массыына мааркатын официальнай дилерэ буолар. Маны сэргэ чэпчэки массыына эрэ буолбакка спецтехника эмиэ атыылыыбыт. Арассыыйа туох баар куораттарынан массыынаҕа атыыбыт сыаната биир буолар. Биһиги кэриэй массыынатын мааркатын официальнай дилерэ буоларбыт быһыытынан, массыына манна кэлэрэ босхо буолар. Билигин, бу көрөрүҥ курдук, барыта 2018 сылга оҥоһуллан тахсыбыт массыыналар тураллар. Массыыналарбыт сыаналара ортотунан 800 тыһ.солк саҕаланар.
Бу күннэргэ бары массыыналарга хаһан да буолбатах 25%-наах чэпчэтии 2 бырагырааманан буола турар. Ол курдук, “Олоххутугар бастакы массыына” – бырагыраамаҕа пааспар, массыынаны ыытар быраап эрэ ирдэнэр. Онтон “Дьиэ кэргэн” бырагыраамаҕа – пааспар, саастарын туола илик 2 оҕо төрөөбүтүн туһунан сибидиэтэлистибэтэ. Бүттэ. Олус судургу. Элбэх докумуон наадата суох. Бу бырагыраамаларга билигин судаарыстыбаттан 25%-наах чэпчэтии көрүллэ турар. Онон билигин, бу кэмнэргэ, массыына атыыласпыт дьон бу чэпчэтиинэн туһаналлар. Массыыналарбыт 5 сыл мэктиэлээхтэр. Сыанабыт Арассыыйа үрдүнэн биир тэҥ. Ымсыыра, сөбүлүү көрбүт массыыналарын тестовай (боруобалыыр) пааркаттан ылан сүүрдэн боруобалаан көрүөхтэрин сөп.
Судургутук быһаардахха...
“Дьиэ кэргэн” бырагырааманан 800 000 тыһ.солк. массыынаны хайдах атыылаһыахха?
Онно ирдэнэр – пааспар, 2 оҕо сибидиэтэлистибэтэ.
Судаарыстыба өттүттэн – 25%-наах чэпчэтии көрүллэр, бэйэҕиттэн 20%-нын төлүүгүн. Хаалбыт сууманы 5 сыл болдьоххо уһатан төлүүгүн.
Саҥа массыына – дьол, үөрүү, киэн туттуу
Иннокентий Слепцов – Амма бөһүөлэгэ:
—Кэргэммин кытары саҥа массыына ыларга быһаарыммыппыт. Бу иннинэ автоырыынакка баран сыаналары көрбүппүт. Ол кэннэ эргэ массыыналарга сыаналара ыарахан эбит диэн түмүккэ кэлбиппит.
“Хёндэ” массыына солуонун аһыллыаҕыттан истэн билэбит. Кэриэйэ массыыналара билиҥҥи мировой ыстандаарка хаалсыбат буолбуттара ыраатта. Ол иһин тутатына бу солуоҥҥа кэлбиппит. Киирбиппит, солуон иһигэр массыына арааһа баара – кыратыттан улаханыгар тиийэ. Таларга олус уустук этэ. Ону хата солуон үлэһиттэрэ сүрдээх болҕомтолоох буолан тута сүбэлээн-амалаан, сылаас итии чэй кутан, сымнаҕас олбоххо олордон, докумуон толорустубут. Автокредитование ““Сетелем Бааны” кытары үлэлиир эбит. Биһиги эдэр ыалтан 2 оҕо төрөөбүтүн туһунан сибидиэтэлистибэни эрэ ирдээтилэр. Онон “Семейное авто” бырагырааманан 10%-наах чэпчэтиигэ хабыстыбыт. Бастакы төлөбүр массыына сыанатыттан 20%-тан кыра буолуо суохтаах. Биһиги 550 тыһ.солк. төлөөбүппүт. Маны таһынан эбэһээтэлинэй каско уонна страховкалар бааллар. Массыына 5 сыл устата страховкалаах.
Бэйэбит тыа сиригэр олорор буоламмыт аныгылыы кроссовер 4 ВД ордук диэммит “Хендай Крета” маарканы талбыппыт. Талан ылбыт массыынабыт ис-тас өттө сүрдээх тупсаҕай көстүүлээх, этэргэ дылы максимальнай комплектациялаах буолан киһи ыытарыгар комфортабельнай, сынньалаҥнык айанныыгын. Ыстатыыстыка көрдөрөрүнэн, “Хёндэ” фирма Арассыыйа үрдүнэн саамай атыыга барар масыынатынан аатырар.
Ньургун Копырин – Бороҕон, Уус Алдан улууһа, чааһынай урбаанньыт:
— Тыа сиригэр олорор дьоҥҥо тыраахтар саамай наадалаах тиэхиньикэ буоллаҕа. Тыраахтар оҥорор өҥөтө элбэх – кыһын чох, муус-мас, сайынын бөх тиэйиитэ. 4 сыл илдьэ сылдьыбыт тыраахтарбын атыылаан баран, “Беларус” тыраахтары былырыын атырдьах ыйыгар атыыласпытым. Онон бас билэр тиэхиньикэлээх буолан тэрилтэлэри кытта дуогабарынан үлэлиибин.
Анатолий Бурнашев – СӨ үтүөлээх артыыһа:
— Ханнык баҕарар дойдуга, куоракка саҥа мааркалаах массыына элбэҕэ бу олохтоохтор таһымнара үрдээбитин көрдөрөр. Дьокуускай куоракка баар “Мицубиси”, “Ниссан” массыына солуоннарын кэнниттэн “Хёндэ” массыына солуона аһыллан үлэлээбитэ аҕыйах сыл буолла. Онон билигин кэриэйэ массыыналара элбээбитэ харахха быраҕыллар.
“Хёндэ” солуонтан хараҥа халлаан күөҕэ өҥнөөх сабыс-саҥа собуоттан кэлбитинэн массыынаны атыыласпытым. 5 сыл мэктиэлээх, бу кэм устата көрөллөр-истэллэр. Бэйэм урут хас да массыыналана сылдьыбытым. Үксэ иккис илиигэ туттулла сылдьыбыт массыыналар этэ. Ким да сүүрдүбэтэх 0 км сүүрүүлээх массыынаны ылар үчүгэй буоллаҕа. Киһи саҥа массыына ыллаҕына өйө-санаата уларыйар. Саҥа массыына – атын таһым. Дьоппуон омук “массыына – дууһалаах” диэн ааттыыллар.
Иван Николаев – Дьокуускай куорат олохтооҕо:
— Биһиги “Хендай” массыына солуонуттан 2017 сыл сэтинньи ыйга бастакы усунуоспутун 41% төлөөн тураммыт hyundai sonata мааркалаах массыынаны атыыласпыппыт. Хаалбыт сууманы “Сетелем Баантан” ылбыппыт. Массыынабытын олус сөбүлээн илдьэ сылдьабыт. Хайа да дьоппуон массыынатыттан уратыта суох. Уматыгы наһаа сиэбэт буолан үчүгэй. Хомуллуутун хаачыстыбата эмиэ аһара үчүгэй. Биһиги дьиэ кэргэн 3 оҕолоохпут, аа-дьуо баталлар.
Тэрилтэ менеджердэрэ хас биирдии кэлбит килийиэҥҥэ олус үчүгэй сыһыаннаахтар. Онон “Востокевротехника” автосолуон кэлэктиибигэр махталбытын тиэрдэбит. Чуолаан Александр Колесовка – хас биирдии килийиэҥҥэ болҕомтолоох сыһыанын, тулуурун уонна килийиэн санаатын, баҕатын болҕомтолоохтук истэн сүбэлиирин иһин.
Атын солуоннардааҕар кинилэргэ килийиэни кытта үлэ үрдүк таһымҥа турарын бэлиэтиир тоҕоостоох. “Хёндэ” массыына солуонугар инникитин үлэлэригэр ситиһиини, элбэх килийиэни уонна өрөспүүбүлүкэ сиригэр-уотугар кинилэр аҕалар массыыналара, тиэхиньикэлэрэ элбии турарыгар баҕарабыт.
Николай Бэстиинэп – спортивнай кэмэнтээтэр, СКИХ араадьыйатын дириэктэри солбуйааччы:
— Массыынабын быйыл саас ылынным. Хармааммар аҕыйах харчылаах да буолларбын, интэриэһиргээммин табаарыстарым сүбэлэринэн “Хёндэ” массыына солуонугар бара сылдьыбытым. Барыта саха эдэр ыччата үлэлиир эбит. Наһаа эйэҕэстэр. Үчүгэй, өйдөнөр гына быһааралларын сөбүлээбитим. Бастаан сыаналара ыарахана буолуо диэн чаҕыйа санаабытым Удамыр киһи ылыан сөп эбит. Онон баан кирэдьииккэ сөбүлэҥ биэрэн биир күн иһинэн докумуону оҥорсубутум. Сыллааҕы бырыһыана баара-суоҕа 5%. Онон бары өттүнэн табыгастаах усулуобуйалаах үлэлээхтэр эбит диэн сыаналаатым.
“Хендай Крета” мааркалаах үрдүк массыынаны ылынным, кроссовер буолан куһаҕан суоллаах-иистээх суолга, бадарааҥҥа, хаарга сылдьарга олус табыгастаах эбит. Дьиэ кэргэн илдьэ сылдьарыгар олус үчүгэй массыына. Астына аҕай сылдьабыт. Үчүгэйэ диэн хампаанньа массыынаны 5 сыл иһигэр көрөр-истэр. Массыынам 2018 сыл тохсунньу ыйыгар собуокка саҥа оҥоһуллан тахсан, урут ким да ыыта сылдьыбатах массыыната буолан үчүгэй. Онон бастакы хаһаайын буоларбынан астынабын.
Аны биир сөбүлээбитим диэн – буор босхо куорат иһигэр 3-5 км бэйэҥ ыытан боруобалаан көрөр эбиккин. Онон бэйэҕинэн ыытан, туппахтаан көрөрүҥ өссө ордук интэриэһинэй. Ол атыылаһарбар улахан оруолу оонньообута.
Уйбаан Бурнашев – Уус Алдан Хомустааҕа, урбаанньыт:
— 2016 сыллаахха МТЗ-82 Беларус тыраахтар атыыласпытым. Бэйэм пилорамалаахпын, бааһынай хаһаайыстыбалаахпын. Бөһүөлэгим олохтоохторугар муус, от-мас тиэйиитигэр өҥө оҥоробун. Маннык тиэхиньикэлээх эрэ буоллаххына үлэлээн-хамсаан олорор буоллаҕыҥ тыа сиригэр. Сарсыарда 4 чаастан тыа сирин күннээҕи олоҕо саҕаланар. Бу тыраахтарбын тыа хаһаайыстыбатын нөҥүө бэриллэр гранынан атыыласпытым.
Сардаана Старостина – Төхтүр, Мэҥэ Хаҥалас:
— Массыынабын муус устар ыйга “Бастакы массыына” бырагырааманан 10% чэпчэтиилээх ылбытым. Килийиэннэри кытта үлэлиир усулуобуйалара олус табыгастаах. Докумуоннары түргэн-тарҕан баҕайытык оҥороллор. Уһуннук кэтэһэн бириэмэни ыыппаккын. Миэхэ менеджер Елена Балданова ылыннарыылаах тылынан быһааран, сүбэлээбитэ. Массыынам Hyundai SoIaris максимальнай комплектациялаах. Бэйэбэр сөптөөх массыына. Бэнсиини наһаа сиэбэт. Сүрдээх комфортабельнай, кыахтаах массыына. Маневрдуурга олус табыгастаах.
Хампаанньа – тыа сирин дьонугар чугас
“Хёндэ” массыына солуона маны сэргэ таһаҕас таһар улахан массыыналары, МТЗ-82, ДТ-75 тыраахтардары аҕалан тыа сирин олохтоохторун тиэхиньикэнэн хааччыйар. Хампаанньа “Сетелем Банк” диэн “Сбербаан” салаатын кытта кирэдьииттээһин систиэмэтигэр бииргэ үлэлэһэр.
“ХЁНДЭ” официальнай дилер быһыытынан Дьокуускай куоракка 2016 сыл бүтэһигиттэн аһыллан үлэлии олорор. Бу кэм устата саха сирин үгүс олохтооҕо кини өҥөтүнэн туһанар. Ол курдук, кинилэр Арассыыйа массыынаны оҥорон таһаарар собуотун кытта быһаччы дилер быһыытынан үлэлэһэн, удамыр сыаналаах, хаачыстыбалаах, араас көрүҥ массыыналары аҕалан нэһилиэнньэни хааччыйаллар. Бэркэ толкуйданыллыбыт чэпчэтии систиэмэтэ, төлөбүр көрүҥэ (төлөбүрү уһатыы, кирэдьиит), сервис өҥөтө, мэктиэлээһин, хас биирдии килийиэҥҥэ болҕомтолоох сыһыан – бу барыта атыылаһааччы болҕомтотун тардыан тардар.
Онон саҥа массыына атыылаһыаххытын баҕарар буоллаххытына – Дьокуускай куорат, Бүлүү тыраагын 3 км, 53 дьиэтигэр кэлэн илэ хараххытынан көрүҥ, талбыт массыынаҕытын атыылаһыҥ! Билсэр төлөпүөҥҥүт: 711-353., бассаап 89243684107, lnstagram: Нyundai_ykt
Саргылаана БАГЫНАНОВА.
Реклама
