Сунтаар улууһугар биирдиилээн дьон ходуһаҕа киирдилэр. Тойбохойго 4,5 гектар, Толооҥҥо 1, Кутанаҕа 5, Сунтаарга 3 гаа от охсуллубутун туһунан тэрилтэ салайааччыларын нэдиэлэтээҕи мунньаҕар улуус тыатын хаһаайыстыбатын исписэлииһэ Петр Васильев иһитиннэрдэ.
Туойдаахтар, күүкэйдэр окко киирдилэр. Быйылгы былаан былырыыҥҥыттан кыра, үүнүү да оннук.
От үлэтигэр туттуллар тиэхиньикэни, саппаас чаастары Устьеҕа урбаанньыт Руслан Федотов кэлэн хаһыс да күнүн атыылыыр. Сыллата улууһу хааччыйар Егор Сергеев быйыл «Сельхозтехника» маҕаһыыны арыйда. Бэҕэһээҥҥиттэн тиэхиньикэ, саппаас чаас атыыга таҕыста.
Станислав Ноговицын.
