Бүлүү Эбэни Кириэстээх аннынан ВОЛС ситимин дьэ туора быраҕарга соруналлар. Оптоволокно хаабылын өрүһү « Мииринэй – Сунтаар» 220 кВ кыамталаах үрдүк күүрүүлээх Оннук идэтийиилээх уон монтажник бэҕэһээ Кириэстээххэ кэллэ. Икки массыыналаахтар: биирдэстэрэ – автокран, атына – дьону тиэйэр вахтовка. Кириэстээх нэһилиэгин дьаһалтата монтажниктары быстах олорор дьиэнэн хааччыйда. Интэриниэтоптоволокно хаабыла Кириэстээхтэн «Мииринэй-Сунтаар», 220 кВ үрдүк күүрүүлээх уот лиинньийэтинэн барыахтаах. Сунтаарга, Бүлүү сүнньүн улуустарыгар бу түргэн Интэриниэти олус өр кэтэстилэр. Хаабылы тардыы олус бытааннык барда.
Санатар буоллахха, былырыын от ыйыгар маннык хаабыл Мииринэй куоратыттан Айхалга биэс эрэ ый устатыгар тардыллыбыта (540 биэрэстэ).
Мииринэйтэн Сунтаарга диэри (220 биэрэстэ) «ВОЛСы» тардыыга, 220 кВ күүрүүлээх 241 №-дээх тимир лиинньийэ сулууспалыыр. Оптоволокно хаабылын уот ситимин икки «грозотрос» утумнарынан уhаты тардыахтаахтар. «Саха телекоммуникации» тэрилтэ эппиэттиир учаастагар оптоволокно хаабыла сиргэ 90 см. дириҥҥэ көмүллүөхтээх этэ. Ону тутуһарга “Якутскэнерго” ЗЭС (Западные электросети) сөпсөспөккө олорор. Туох баар сыыһа-халты баарын “ЗЭСтэр” хаартыскаҕа түһэрбиттэр.Хаабылы сир аннынан (90 см) туһааннаах дириҥ сиринэн барбат буолла да, ол тэхиньиичэскэй ирдэбил тутуhуллубатын дьэҥкэтик көрдөрөр. «Оптоволокно хаабыла сир үрдүгэр букатын сытыа суохтаах” диэн ЗЭС эппиэттээх үлэһитэ В.В.Емченко миэхэ хаста да тоһоҕолоон бэлиэтээбитэ.
Санатар буоллахха, 2016 сыл алтынньы 27 күнүгэр, «Вилюйский экспресс» түргэн уонна хааччыстыбалаах Интэриниэт ситимэ Бэрдьигэстээххэ кэлээт тохтоон хаалбыта. Бүлүү сүнньүгэр сыыдам Интэриниэт тиийиэ олоҥхо тойугар кубулуйбута. Инньэ гынан, Бүлүү улуустарыгар олорор 90-ча тыhыынча киһи атаҕастаммыттыы сананан олорор диэтэххэ улахан омнуолааһын буолбат. Былырыын , Манчаары Оонньууларын саҕана, ВОЛС лиинньийэтэ Бүлүү уонна Үөһээ Бүлүү улуустарын хабыа диэн үрдүкү былаас эрэннэрбитэ. Ол ханнаный? Суоҕун курдук суох.
Түөрт улууһу түргэн Интэриниэтинэн хааччыйыахтаах «Вилюйский экспресс» бырайыак батыллан хаалла. Бу ханнык да сиэргэ баппат быһыы-майгы буолбатах дуо?! Ону көннөрөр уонна тахсыбыт улахан сыыһалары билинэр уолдьаста.
Станислав Алексеев, Мииринэй куорат
