Бу өрөбүлгэ, атырдьах ыйын 5 күнүгэр, Дьокуускайга Кыайыы болуоссатыгар ГСМ тарыыбын утаран миитин буолуоҕа. Тэрээһин 16 ч. саҕаланар.
Миитиҥҥэ бэлиитикэ баартыйаларын эрэгийиэннэҕи салаалара, уопсастыбанньыктар, үлэ кэллэктииптэрэ кыттарга бэлэмнэрин биллэрбиттэр.
Миитини тэрийээччилэр ДьУОХХ тарыыптарын дойду таһымыгар тэҥнииллэрин туруорсаллар. Маны таһынан, кинилэр энергетика хампаанньаларын үлэлэригэр хоруупсуйа баарын, бүддьүөт харчытын атын сыалга туһаналларын бэрэбиэркэлиири туруорсаллар. Итиэннэ, ньиэп хампааньалара картелынан киксэн сыананы үрдэтэллэрин бэрэбиэркэлииргэ уопсастыбаннас кыттыылаах хамыыһыйаны тэрийэргэ модьуйуохтара. Бу туһунан миитини тэрийээччи Эрэл Васильев иһитиннэрэр.
Биллэрин курдук, бэнсиин сыаната үрдээтэҕинэ, туох баар сыана барыта батысыһан үрдүүр. Онон бу боппуруос хас биирдиибитин долгутара саарбаҕа суох. Онон, миитиҥҥэ кыттаргытын ыҥыраллар.
