Киир

Киир

Ил Дархан Алмааска сүбэтин (Алмазный совет) үлэтэ-хамнаһа, соруга саҥаттан тэриллиэхтээх. Сүбэ алмааһы кырыылыыр уонна ювелирнай салаалар сайдыыларын кичэллээхтик, кыраҕытык тэрийиэхтээх, ону тэҥэ алмааһы хостуур хампаанньалары кытта бииргэ үлэлиири сүрүннүөхтээх. Ити туһунан Ил Дархан эбээһинэһин толорооччу Айсен Николаев саҥаттан тэриллибит Сүбэ мунньаҕар эттэ.

Итини таһынан А.С. Николаев сүбэ саҥа соруктарын иһитиннэрдэ, итиэннэ “дойдуга уонна аан дойдуга буола турар уларыйыылар кырыылыыр уонна ювелирнай салаалар сайдыыларыгар саҥа сыһыаны эрэйэллэр, АЛРОСА хампаанньа — алмааһы сүрүн атыылааччы — эмиэ уларыйар” диэтэ.

Алмаас сүбэтин састааба итинтэн сиэттэрэн уларыйбыт. Оттон салайааччынан “ЭПЛ Даймонд” хампаанньалар бөлөхтөрүн бырабылыанньатын бэрэссэдээтэлэ Петр Федоров ананна. Ил Дархан эбээһинэһин толорооччу кинини биисинэскэ уонна ювелирнай, кырыылыыр дьыалаҕа үрдүк таһымнаах исписэлиис диэн сыана быста.

Тарҕат:

Санааҕын суруй

Бүтэһик сонуннар