Атырдьах ыйын 30 күнүнээҕи туругунан, грипп дьаҥыттан утары быһыыны Саха сирин 24 тыһ. тахса олохтооҕо ылбыт, ол иһигэр 10 тыһ. тахса оҕо. Бу туһунан Роспотребнадзор Саха сиринээҕи салаатын пресс-сулууспата иһитиннэрэр.
Грипп дьаҥын утары вакцинаны олорор , үөрэнэр, үлэлиир, иитиллэр сиргинэн босхо ылыаххын сөп. Маны таһынан, көһө сылдьан быһыыны туруорар биригээдэлэр үлэлииллэр. Босхо вакцинаны устудьуонар, мэдэссиинэ уонна үөрэх, ДьУоХХ, тырааныспар социальнай эйгэ үлэһиттэрэ ылаллар. Маны таһынан, вакцинаны хроническай ыарыылаахтар, хат дьахталлар, аармыйаҕа ыҥырыллааччылар, 18 саастарыгар диэри оҕолор уонна 60 саастарын ааспыт кырдьаҕас дьон ылаллар.
Роспотребнадзорга иһитиннэрбиттэринэн, атырдьах ыйын 27- балаҕан ыйын 2 күннэринээҕи кэтээн көрүү түмүгүнэн, грип ыарыытын көрдөрүүтэ урукку сыллардааҕар улааппатах.
2018-2019 сс. Саха сирин 438 тыһ. олохтооҕор вакцинаны туруорар былааннаахтар.
