Дьокуускай куорат дьаһалтатын Ыччат уонна дьиэ кэргэн бэлиитикэтин Управлениетын иһинэн тэриллибит «Үтүө санаа куората» общественнай түмсүү «Үтүө санаа тымтаката» аһымал аахсыйаҕа куорат олохтоохторун ыҥырар.
Быйыл «Үтүө санаа тымтаката» аһымал аахсыйа Дьокуускайга иккис төгүлүн ыытыллар. Былырыын барыта 113 көмөҕө наадыйар ыал аһынан-үөлүнэн хааччыллыбыта. Билиҥҥи туругунан 120 ыалга көмө оҥоһулунна.
Сыл бүтэрэ баара-суоҕа икки эрэ ый хаалла, оттон көмөҕө наадыйар ыал ахсаана олус элбэх. «Үтүө санаа куората» түмсүү амарах санаалаах куорат олохтоохторун аһымал аахсыйаҕа кыттыһаргытыгар ыҥырар.
Көмөлөһүөн баҕарааччылар бу нүөмэрдэргэ эрийэн билсиэххитин сөп: 8 914 1110519, 40-88-46.
«Үтүө санаа куората» түмсүү
