Дьокуускай аэропордугар суут приставтара 350 киһини бэрибиэркэлээтилэр. Олортон тыраанспар полицейскайдара уонна суут приставтара иэстээх дьону буллулар. Бу туһунан суут приставын федеральнай сулууспатын өрөспүүбүлүкэтээҕи салаатын саайтыгар суруллар.
“Нолуок төлөбүрүгэр, ыстараапка иэстээх дьону көрдөөһүҥҥэ үс чаас иһигэр 350 киһи бэрибиэркэни ааста. Олортон хас да иэстээх дьону буллубут. Холобур, Дьокуускайтан Новосибирскайга көтөөрү сылдьыбыт Армения олохтооҕо 1500 солк төлөммөтөх ыстарааптааҕа билиннэ. Иэстээх киһи ыстараабын тута төлөөтө” – диэн, саайтка суруллар.
Суут толорооччу приставтара иэстээх дьону көтүөх иннинэ булгуччу төлүүллэригэр ыҥырар.
