Дьокуускай куорат уокуруктааҕы администрациятыгар дойду Конститутциятын күнүгэр түбэһиннэрэн, куорат салалтата олохтоохтору кытта көрүстэ. Манна 170 тахса араас кыһалҕалаах дьон, департаменнар, управлениелар уонна уокурук, куорат таһынааҕы бөһүөлэктэр салайааччыларыттан мунаахсыйар боппуруостарыгар хоруй ыллылар.
Бу күн ордук хаарбах туруктаах дьиэлэртэн көһөрүү, сир учаастагын биэрии, уу хаачыстыбатын, сылааһынан уонна гааһынан хааччыйыы уо.д.а. боппуруостары көрдүлэр.
“Хас биир киһи этиитэ регистрацияланна уонна хонтуруолга ылылынна. Толоруу болдьоҕо чугаһаатаҕына хоруй биэриэхпит”, – диэн Дьокуускай куорат уокуруктааҕы администрациятын нэһилиэнньэни уонна түмсүүлэри кытта үлэлиир салаа начальнигын эбээһинэһин толорооччу Альбина Николаева иһитиннэрдэ.
Көрсүһүүгэ араас төрүөтүнэн кэлбэтэх дьон боппуруостарын төлөпүөнүнэн ыйытар кыахтаннылар. Ордук элбэх 14 ыйытыы дьиэ-уот Департаменыгар, 10 ыйытыы сир сыһыаннаһыыларын Агентствотыгар киирдэ. Промышленнай, Сайсаар уокурук уонна Хатас олохтоохторо ордук көхтөөхтөрүн биллэрдилэр. Сыл саҥатыттан 4284 ыйытыы регистрацияламмыт. Бу туһунан мэрия пресс-сулууспата иһитиннэрэр.
