Саха сиригэр хотугу уонна Арктика улуустарыгар үлэлиир учууталлары уонна медицинэ үлэһиттэрин дьиэнэн хааччыйыы бырагыраамма 2022 сылга диэри уһаата.
Ахсынньы 25 күнүгэр СӨ Бырабыыталыстыбатын мунньаҕар, “Об утверждении Порядка реализации подпрограммы «Обеспечение жильем педагогических работников сельских школ и медицинских работников учреждений здравоохранения арктических и северных улусов» государственной программы Республика Саха (Якутия) «Обеспечение качественным жильем 2012-2019 годы” диэн уураахха уларыйыылары киллэрдилэр.
Сыллатааҕы төлөбүргэ эмиэ уларыйыылар киирдилэр. Ол курдук, сыл аайы бэриллэр биир хостоох, толору хааччыллыылаах дьиэ сыанатыттан 10 % төлөбүр оннугар социальнай төлөбүр бэһис сылга бэриллэр буолуоҕа.
Байыннай эбээһинэстээхтэргэ эмиэ бырагыраамма болдьоҕо уһуура учуоттаныа.
