ГТАС (ЗАГС) саҥа төрөөбүт оҕолорго саамай тарҕаммыт ааттары ааттаталаата. Үс саамай тарҕаммыт кыыс аата – София, Виктория уонна Милана, оттон уолаттарга ордук Артем, Александр уонна Максим диэн ааттар тарҕаммыттар.
Ааспыт сыл тохсунньутуттан балаҕан ыйыгар диэри Саха сиригэр төрөөбүтүн туһунан 10 250 туоһу суругу биэрбиттэр. Олортон 171 туоһу сурукка София диэн аат суруллубут, Виктоория – 126, Милана – 123. 10 саамай тарҕаммыт ааттарга Алиса, Ева, Арина, Амелия, Диана, Анна уонна Валерия диэн ааттар киирсэллэр.
160 саҥа төрөөбүт уолга Артем диэн ааты иҥэрбиттэр. Билигин даҕаны Александр диэн аат эмиэ олус тарҕаммыт – 146 уолу ааттаабыттар. Оттон Максим диэн ааты 119 уолга иҥэрбиттэр. Маны таһынан Кирилл, Тимур, Дмитрий, Никита, Иван уонна Лев диэн ааттар ордук тарҕаммыттара бэлиэтэммит.
Саамай тэнийбит ааттары таһынан, ГТАС маны таһынан сэдэх, “эриэхэбэй” ааттары ааттаталаата. 2018 сылга төрөөбүт кыргыттарга Таптал, Милаграсс, Одри, Луна, Божена, Джульетта, Офелия уонна Мишель диэн сэдэх ааттары иҥэрбиттэр. Оттон уолаттарга – Атаман, Ахилл, Добрыня, Сократ, Феликс, Янтарь, Аполлон уонна Рафаэль диэн ааттары биэрбиттэр.
