Олунньу 20 күнүгэр Аллайыаха улууһун Русскай Устье сэлиэнньэтигэр саҥа фельдшерскэй-акушерскай пуун арылынна. Бу туһунан СӨ Доруобуйа харыстабылын министиэристибэтин пресс-сулууспата иһитиннэрэр.
Үөрүүлээх тэрээһиҥҥэ Аллайыаха оройуонун баһылыга Эдуард Слепцов, Русскай Устье сэлиэнньэ баһылыга Сергей Портнягин, Арктиканы сайыннарыы министиэристибэ миниистирэ Александр Саввинов, СӨ Доруобуйа харыстабылын министиэристибэтин хаачыстыбаны хонтуруоллуур департаменын салайааччы Дьулустан Чичахов, улуустааҕы киин балыыһа сүрүн бырааһа Туйаара Слепцова уо.д.а. кыттыыны ыллылар.
Русскай Устье сэлиэнньэ нэһилиэнньэтин ахсаана 150-чэ. Саҥа фельдшерскэй-акушерскай пууҥҥа олохтоохтор кэккэ анаалыстары, ЭКГ, быһыы ылыахтарын сөп уо.д.а. Ону таһынан, былааннаммыт мэдэссиинскэй көрүүлэр ыытыллыахтара. Учаастактааҕы быраастар – терапевт уонна оҕо бырааһа көрүөхтэрэ.
СӨ Доруобуйа харыстабылын министиэристибэтэ оройуоннарга модульнай фельдшерскэй-акушерскай пууннары тутуу үлэтин салҕыыр. Икки сылга 160 мөл солк суумаҕа сэттэ фельдшерскэй-акушерскай пуун уонна икки амбулаторнай балыыһа тутуллара былааннанар.
