Бүгүн, олунньу 22 күнүгэр Ил Дархан Айсен Николаев Алдан олохтоохторун Галина Дмитриевна, Александр Николаевич Казариннары уонна Лидия Павловна, Валерий Павлович Алганаевтары ыал буолан бииргэ олорбуттара 50 сылынан эҕэрдэлээтэ. Бу туһунан Ил Дархан уонна бырабыыталыстыба пресс-сулууспата иһитиннэрэр.
Айсен Николаев билигин Алдан оройуонугар үлэлии сылдьар. Манна хаарбах туруктаах дьиэлэртэн көһөрүү бырагыраамма уонна “Саха Голд Майнинг” хампаанньа эбийиэктэри көрүө. Ону таһынан, өрөспүүбүлүкэҕэ көмүһү хостуур промышленность инникитин уонна 2019-2025 сылларга хаарбах туруктаах дьиэлэртэн көһөрүү бырагыраамма тула кэпсэтиигэ кыттыыны ылыа.
