Киир

Киир

Эбээн Бытантай улууһун Түгэһиир нэһилиэгэ тэриллибитэ 90 сылынан  араас тэрээһиннэр ыытыллаллар. Олортон “Супер дедушка” диэн эһээлэр күрэстэрэ үгүс дьону түмтэ.

Балаһыанньа быһыытынан күрэскэ эһээ аатын сүкпүт, араас саастаах, баҕалаах эр дьон  кыттыыны ыллылар. Нэһилиэккэ алта түөлбэ баар, олортон түөрт түөлбэ көхтөөх эһээлэрэ күөн көрүстүлэр.

Бэйэлэрин билиһиннэрдилэр, национальнай таҥастарын көрдөрдүлэр,  ыйытыктарга эппиэттээтилэр, ону таһынан, олохторугар буолбут умнуллубат эбэтэр күлүүлээх түгэннэри  кэпсээтилэр, көтөрдөр саҥаларын таайдылар, кыспа, балык кыстылар, дьылабыай көстүүмнээх хаамтылар, саа уонна булт малларын хомуйдулар уонна бириэмэҕэ  түргэнник таҥнарга күрэстэстилэр .

Тыҥааһыннаах күрэс түмүгүнэн   “Супер дедушка” ааты  Спиридон Портнягин ылла. Кини түөрт оҕо тапталлах эһээтэ. “Самый талантливый дедушка” Василий Докторов, “Самый творческий дедушка” Юрий Куприянов, “Самый музыкальный дедушка”  Алексей Рожин.

Урбаанньыт Терентий Горохов саамай аҕа саастаах Юрий Куприяновка биир массыына оттук маһы бэлэхтээтэ.

 

“Бытантай уоттара” хаһыаттан

Тарҕат:

Санааҕын суруй

Бүтэһик сонуннар