Саха сирин тырааныспарга министиэристибэтин пресс-сулууспата иһитиннэрбитинэн, ыам ыйын 25 күнүгэр диэри навигацияҕа бэлэмнэниигэ күүстээх үлэ саҕаланна.
“Администрация Ленского бассейна” ФБУ суолга Сулууспатын начаалынньыга Евгений Козлов этэринэн, паром сырыыта ыам ыйын 25 күнүттэн саҕаланар былааннанар.
“Биһиги муус эрдэ устар да түгэнигэр паром сырыытын эрдэттэн саҕалыахпытын сөп, ол эрээри куттал суоһаабатыгар быһаччы эппиэттиир буоламмыт, паром сырыытын өрүстэр муустан бүтүннүү ыраастаннахтарына биирдэ саҕалыырбытыгар тиийэбит”, - диир кини.
Уу тырааныспарын тэрилтэлэригэр билигин суудуналары бэлэмнииргэ былааннаах үлэ күөстүү оргуйар. “Первая паромная переправа” уонна “Вторая паромная переправа” ХЭУо толороччу дириэктэрэ Иван Анучин этэринэн, “Дьокуускай-Аллараа Бэстээх” хайысхатынан быйыл биэс паром үлэлиэҕэ. Паромнар бигэргэтиллибит араспысаанньанан сылдьыахтара. “Ассоциация строителй АЯМ” ХЭУо былырыын 4 парому үлэлэппитэ, оттон быйылгы навигацияҕа 5 парому түһэрэр былааннаах. Кангалас-Суотту туһаайыыннан икки паром сылдьыаҕа (ИП Говоров). Нам, Хаҥалас, Ньурба улуустарыгар бу хайысхаҕа эмиэ былааннаах үлэ бара турар.
