Ыам ыйын 31 күнүгэр Мииринэйдээҕи Дьарыктаах буолуу кииҥҥэ (салайааччы Туйаара Брызгалова) үлэ дьаарбаҥката буолуоҕа.
Дьаарбаҥкаҕа “Алмазавтоматика” трест, “ЗЭС” “Якутскэнерго” АХ, “Таас-Үрэхнефтегаздобыча” хампаанньа, РТРС, типография, “Якутлесресурс”, МЦРБ, ПТВС, ФГУП Үһүс баһаары утары охсуһар этэрээт, куорат эбийиэктэрин харабыллыыр биэдимистибэ, “АНОДУ Алмазик” курдук тэрилтэлэр кыттыыны ылыахтара. Бу – оройуон бөдөҥ, чиҥ тэрилтэлэрэ. Хамнастара араас. Yлэ көрдөөччүлэргэ, бакаансыйалары тосхотооччу тэрилтэлэр бэрэстэбиитэллэрэ, анкета уонна резюме толорторуохтара. Бу тэрээһин Өр кэм түптээх үлэни булбакка эрэйи көрө сылдьыбыт дьоҥҥо эрэл кыымын үөскэтэр. Эдэр дьон, кытаатыҥ!
Станислав Алексеев, Мииринэй куората, ааптар хаартыската.
