СӨ тыраанспар министиэристибэтэ иһитиннэрбитинэн, Дьокуускай – Аллараа Бэстээх хайысханан эбии икки паром үлэлиэҕэ. Онон уопсайа 13 паром сылдьара күүтүллэр.
СӨ тыраанспар уонна суол хаһаайыстыбатын министиэристибэтин уу уонна тимир суол тыраанспарын департаменын салайааччы Семен Коркин маннык иһитиннэрэр: “250 туонналаах парому “Лентранс” тэрилтэ, оттон биир парому “ЛОРП” анаата. Суудуналар туоруур сиртэн тэйиччи баар ЛОРП причалыттан айанныахтара”.
Ону таһынан, причал, паромнар сырыыларын схемата бэлэмин бэлиэтээтэ. ГИБДД үлэһиттэрэ Дьокуускай уонна Аллараа Бэстээх биэрэгэр бэрээдэги көрүөхтэрэ.
