СӨ бырабыыталыстыбатын мунньаҕар сонотуоруйга эмтэнэр чэпчэтиилээх путевканан туһанар бырааптаах идэлэр испииһэгин хат көрдүлэр. Чэпчэтиилээх путевканан табаһыттар уонна чуум үлэһиттэрэ туһанар кыахтаннылар.
“Тыа хаһаайыстыбатын үлэһиттэригэр бэриллэр чэпчэтиилээх путевка боппуруоһун көрдүбүт уонна хоту үлэлиир табаһыттар, чуум үлэһиттэрин испииһэккэ киллэрдибит”, – диэн бырабыыталыстыба бэрэссэдээтэлэ Владимир Солодов эттэ.
Тыа хаһаайыстыбатын миниистирэ Александр Атласов иһитиннэрбитинэн, льготанан туһанар агропромышленнай комплекс үлэһиттэрин испииһэгэр биригэдьиир табаһыттар, бостууктар, табаһыт исписэлиистэр уонна чуум үлэһиттэрэ киирдилэр.
“Арассыыйа үрдүнэн маннык идэлээх дьон ахсаана олус аҕыйах. Онон бу өрөспүүбүлүкэ бүддьүөтүн ороскуотуттан тахсыа суоҕа”, – диэн миниистир кэпсээтэ.
