Ленскэй улууһун Витим уонна Пеледуй бөһүөлэктэригэр углерод оксидын кээмэйэ нуорманы аһара түстэ. Бу туһунан Роспотребнадзор Саха сиринээҕи Управлениета иһитиннэрэр.
“Атырдьах ыйын 11 күнүнээҕи туругунан, углерод оксидын кээмэйэ Витим бөһүөлэгэр — 6,2 мг/мЗ, Пеледуйга – 6,15 мг/мЗ. Оттон нуорма 5 мг/мЗ буолуохтаах”, — диэн биэдэмэстибэ бэлиэтиир.
Уопсайа сэттэ улууска: Бүлүүгэ, Ньурбаҕа, Дьааҥыга, Уус Алдаҥҥа, Ленскэйгэ, Сунтаарга уонна Нерюнгрига салгын 19 пробатын азот оксидыгар, сера диоксидыгар, азот углеродугар уонна диоксидыгар чинчийбиттэр.
Доруобуйа харыстабылын министиэристибэтэ хойуу буруоттан сылтаан биир да киһи балыыһаҕа көмөҕө наадыйан кэлбэтэ диэн иһитиннэрэр.
