Уһук Илиҥҥи федеральнай университет уонна Казаннааҕы судаарыстыбаннай архитектурнай-тутуу университетын инженердэрэ Уһук Хоту сиргэ табыгастаах, бигэ туруктаах бетон саҥа көрүҥүн айбыттар. Бу туһунан ДВФУ пресс-сулууспата иһитиннэрэр.
“Бу бетон саҥа көрүҥэ хайа барбат, ууну киллэрбэт, күүстээх тымныыны тулуйар, онон Уһук Илиҥҥэ уонна Уһук Хоту усулуобуйатыгар туһанарга олус табыгастаах буолуоҕа. Бетон саҥа көрүҥүн бигэ туруга 2,7-3,3 төгүл үрдүк, оттон тымныыны тулуйумтуота үс төгүл куоһарар, ууну аһарбат, оборбот буолуута 4 төгүл улахан”, - диэн иһитиннэрэллэр.
Учуонайдар этэллэринэн, саҥа бетон олус экологичнай уонна кыра да собуоттар оҥорон таһаарыахтарын сөп эбит., онон экэниэмийэлииргэ да табыгастаах
