Улан-Удэ куорат сүрүн болуоссатыгар – Сэбиэттэр Болуоссатарыгар 200-чэ киһи киин куораттарын мээрин быыбарын түмүгүн дьиҥэ суоҕунан ааҕары туруорсан, суһал миитиҥҥэ тахсыбыттар. Балаҕан ыйын 8 күнүгэр буолбут быыбарга куорат дьаһалтатын баһылыгын эбээһинэһин быстах кэмҥэ толорбут Игорь Шутенков кыайбыт. Бу туһунан “Иркутск сегодня” таһаарыы иһитиннэрэр.
Этиллэринэн, миитини тэрийээччи, уопсастыбанньык Дмитрий Баиров уонна кини куомуннаахтара саныылларынан, Бурятия киин куоратын баһылыгынан КПРФтан хандьыдаат уонна Иркутскай уобалстан сенатор Вячеслав Мархаев буолуохтаах эбит. Мархаев Шутенковтан 20 бырыһыан куолаһынан кыайтарбыт. Мархаев суһал миитиҥҥэ кэлэн тыл эппитин суруйаллар.
Миитиҥҥэ Норуодунай Хурал дьокутаата уонна өссө биир КПРФ бэрэстэбиитэлэ Баир Цыренов кыттыбыттар.
Баиров, маны таһынан, “Путины сууллара” баран иһэр “ойуун” Александр Габышевы өйөөччүлэри: Петр Дондуковы уонна Игорь Гоношановы администраивнай хаайыыга сыталларыттан босхолуурга туруорсан тыл-өс көтөхпүт.
Улан-Удэ сүрүн болуоссатыгар ОМОН уонна полиция кэлбит, кими да тутан хаайа иликтэр диэн иһитиннэрэллэр.
