Амматааҕы прокуратура улуустааҕы киин балыыһаҕа үлэ сокуонун кэһиини бэрэбиэркэлээтэ. Бу туһунан СӨ прокуратуратын пресс-сулууспата иһитиннэрэр.
Балыыһаҕа медсиэстэрэ дуоһунаһыгар үлэһит суох буолан, терапевт салаатын тоҕус медсиэстэрэ бу үлэни солбуйса сылдьан үлэлээбиттэр. Ол хамнаһын ылбатахтар.
Инньэ гынан, улуустааҕы прокуратура сүрүн бырааска көрдөрүү түһэрбит. Ону таһынан, үлэ сокуонун кэһиигэ административнай дьыаланы тэрийбит. Бэрэбиэркэ түмүгүнэн медсиэстэрэлэр хамнастарын хат аахтылар.
