СӨ култуура уонна духуобунай сайдыы миниистирэ Юрий Куприянов “Голоса Победы” диэн аахсыйаны саҕалаата. Аахсыйа көрбөттөр өрөспүүбүлүкэтээҕи бибилэтиэкэлэригэр Улуу Кыайыы 75 сылын бэлиэтиир тэрээһиннэр чэрчитинэн ыытыллар.
Манна өрөспүүбүлүкэ министиэристибэлэрэ уонна биэдэмистибэлэрэ кыттыыны ылыахтара. Холобур, култуура миниистирэ Юрий Куприянов “Саллаат сүрэҕэ” диэн Тимофей Сметанин айымньытын аудио кинигэҕэ аахта. Ол курдук, сахалыы, нууччалыы тылынан Аҕа дойду сэриитигэр сыһыаннаах саха ааптардарын айымньыларын ааҕыахтара.
Аахсыйа үүнэр сыл муус устар ыйыгар диэри ыытыллыаҕа. Ыам ыйыгар бастакы аудио кинигэлэр сүрэхтэниитэ буолуоҕа. Ол кэнниттэн аахсыйа саҕаланыаҕа.
