Киир

Киир

Новай сопхуос Хатастааҕы агро фирмэ, Хаҥалас Нөмүгүтүн уонна “Бөртө”, Өлүөхүмэтээҕи “Кладовые Олекмы” хаһаайыстыбалар курдук “Туймаада” тыа хаһаайыстыбатын хампаанньатын самалыгынан буолуоҕа.

Онон “Новай” сопхуос манна төрүкү биллибэт тэрилтэҕэ көһүөн иннинэ, хайдах-туох олорорун билиһиннэрэбин. “Чуона нэhилиэгэ” муниципальнай тэриллии Арыылаах сэлиэнньэтигэр 1800 киhи олорор. Бу сахалар олорор нэһилиэктэрэ. Ордук Туой Хайа сэлиэнньэтин Бүлүү муоратыгар тимирдии кэнниттэн көһөрүллүбүт дьон. Манна “Новай” сопхуостан 313 киhи хамнастанан олорор. Сопхуос 60 тыһ кууруссалаах, 2 тыһ ынах сүөһүлээх, 300 сылгылаах. Сылга ортотунан 10 мөл сымыыты, 1.500-1.700 туонна үүтү атыыга таhаарар. Хаhаайыстыба бородууксуйата: ынах, сылгы, куурусса этэ, сымыыт, эриллибит эт, полуфабрикаттар, бакыаттаах үүт, иэдьэгэй, суорат, йогурт. Мииринэй оройуонун эргиэн туочукаларыгар атыыланаллар. Бородууксуйалары Үөһээ Муунаҕа, Накыын уруудалаах сиригэр, Айхал, Удачнай диэки ыыта тураллар. Арыылаахха “Мэҥкэр”, Мииринэй куоракка “Туой Хайа” диэн үс фирменнэй маҕаһыын, “Юбилейнай” павильон, “Катунь” бааллар. Нэһилиэнньэҕэ киэҥ биһирэбили ылбыт “Катунь” маҕаһыын сэтинньи 18-тан ахсынньы 8 күнүгэр диэри үлэтэ тохтоон турар.    

aryylaaxcelennete

katynmagahyyntoxtyyr

Уон устуука сымыыт сыаната - 85 солк. Сибиэhэй, минньигэс амтаннаах. Сопхуос Мииринэй оройуонун эрэ буолбакка, Сунтаар, Ленскэй улуустарын куурусса этинэн, сымыытынан хааччыйар. Кириэстээх, Бүлүүчээн, Наахара, Куокуну, Тойбохой, Аллаҥа, улуус киинэ Сунтаар, “Новай” сопхуос сымыытынан, куурусса этинэн айаҥҥа хаайтарыы суох кэмигэр үчүгэйдик хааччыллаллар. Ол да буоллар, “Новай” сопхуос аны биир ыйынан Өрөспүүбүлүкэ тыатын хаһаайыстыбатын дьаһалыгар барара син биир дьон сүрэҕин ытырыктатар.

keterfabrikata

vitalinaandrocova

“Новай” сопхуос хайдах-туох инникилэнэрэ биллибэт. Олохтоохтор хампаанньа “далбарыттан” маттыбыт да, хаhаайыстыбабыт кэрэгэй балаhыанньаланар диэн өйгө-санааҕа, муунтуйууга олороллор. Санаан да көрүҥ, сыл ахсын “АЛРОСА”-тан “Новай” сопхуоһу тутан олорууга 600 мөл солк ананара.

Тус бэйэм санаабар, сопхуос маннык үгүөрү үбүлэниитэ суох, нус-бааччы олороро саарбахтардаах. “Новай” сопхуос ТХМ уонна “АЛРОСА” кыттыгас дьаhайар тэрилтэлэрэ эбитэ буоллар, ордук буолуо этэ. Оннук санаа хоту буолбата.

Итини учуоттаан туран Саха сирин бырабыыталыстыбата, тыатын хаhаайыстыбатын министиэристибэтэ, “Новай” сопхуоhу, сэлиэнньэни инникитин хайдах баарынан чөлүнэн хаалларарга уталыппакка үлэлэhэрэ ирдэнэр. 

novaicopxyocborodyykcyiata

yytcobyota

Станислав Алексеев, Мииринэй куората.

 Ааптар хаартыскалара.

  

 

Тарҕат:

Санааҕын суруй