“Посади лес” бырайыак өрөспүүбүлүкэ олохтоохторун уонна ыалдьыттарын “Биир, икки, үс! Үүн күөх харыйачаан!” диэн аахсыйаҕа кытталларыгар ыҥырар.
Ол курдук, кыттыан баҕалаах дьон Posadiles.ru саайтка киирэн хас баҕар устуука маһы талаллар уонна бу мастары олордууга харчынан көмө ыыталлар. Ону таһынан, ойууру чөлүгэр түһэриигэ кылаатын иһин диэн сэртипикээт ылаллар. Маннык сэртипикээти бэлэх оҥоруохха сөп. Эһиил саас ЭКА хамсааһын актыбыыстарын көмөтүнэн мастар олордуллуохтара. Сэртипикээт хаһаайыныгар мас хаартыскатын уонна GPS-координататын ыыталлар.
“Посади лес” бырайыак үлэлээбитэ түөрт сыл иһигэр, дойду 22 эрэгийиэнигэр 700 тахса мас олордуллубут. 5 тыһ тахса киһи харчынан көмө оҥорбут. Кинилэр көмөлөрүнэн 175 га ойуур чөлүгэр түһэриллибит. 2010 сылтан ЭКА хамсааһын волонтердарын көмөтүнэн, 47 эрэгийиэҥҥэ 10 мөл тахса мас олордуллубут.
