Сунтаардааҕы Сергей Афанасьевич Зверев-Кыыл Уолун аатынан мусуой комплекса бүтүн өрөспүүбүлүкэ үрдүнэн “Тыа сирин бастыҥ түмэлэ” үрдүк ааты ылла.
Сунтаардааҕы С.А.Зверев-Кыыл Уолун аатынан мусуой комплекса “Тыа сирин бастыҥ түмэлэ” үрдүк аакка тиксэн, 100 тыһ. солкуобайынан наҕараадаланна. Салайааччы Альбина Алексеевна Федорова «Тыа сирин түмэллэрин бастыҥ үлэһитэ» ааттанан, 50 тыһ. солкуобайдаах субсидияны тутан, үөрүүлэрэ үксээтэ.
Эбэн этэр буоллахха, 2015 сыллаахха маннык «Бастыҥ түмэл үлэһитинэн» эмиэ Кыыл Уолун аатынан түмэл сүрүн харайааччыта Эмма Васильевна Васильева буолбута.
Бу курдук, Улуу киһибит аатын сүгэр түмэл С.А.Зверев-Кыыл Уолун үбүлүөйдээх сылын үөрүүлээх сонунунан саҕалаата.
Мария Кобельянова-Тускулаана,
