Ааспыт нэдиэлэҕэ АЛРОСА генеральнай дириэктэрэ Сергей Иванов алмаастаах кыраай киин куоратыгар – Мииринэйгэ үлэлээбитэ. Кини миэстэтигэр сылдьан оҥорон таһаарыы, социальнай инфраструктура эбийиэктэрин көрдө-иһиттэ, хаһаайыстыбалаах актыып мунньаҕар кытынна. Дойду бэрэсидьиэнин талар эппиэтинэстээх быыбарга Сергей Иванов Мииринэйгэ куоластаабыта.
Аан дойдуга хостонор алмаас үс гыммыт биирин кэриэтэ өлүүскэтин бэлэмниир АЛРОСА хампаанньа, балаһыанньа төһө да уустугун иһин, хостуур алмааһын, атыытын кээмэйин биллэ улаатыннарар, өрөспүүбүлүкэ бүддьүөтүн баһыйар чааһын хааччыйар.
“Ситим” медиа-бөлөх генеральнай дириэктэрэ Мария Христофорова АЛРОСА бэрэсидьиэнэ Сергей Иванову көрсөн, алмаастаах хампаанньа бүгүҥҥү туругун, кэлэр кэскилин, былааннарын тустарынан сиһилии сэһэргэстэ. Кэпсэтиигэ алмааһы хостооһун устуоруйатын үйэтитииттэн, Мииринэй, Айхал уонна Удачнай куораттары сайыннарыыттан, экология боппуруоһуттан, “АЛРОСА-Ньурба” тэрилтэ аахсыйаларын боппуруоһуттан саҕалаан, Арассыыйа алмааһа аан дойду ырыынагар балаһыанньатыгар, туругар тиийэ сиһилии ырытыстылар, санаа үллэһиннилэр. Бу киэҥ далааһыннаах кэпсэтиини “Кыым” хаһыат кулун тутар 22 күнүнээҕи саҥа нүөмэригэр ааҕыҥ.
