Ону бу хаартыскалар туоһулууллар. Алмааһынан аатырбыт, сураҕырбыт, соҕурууҥҥу ырыаһыттар биир чаас ыллыылларыгар мөлүйүөнүнэн солкуобайы быраҕаттанар куорат, дьиэлэри сылытар, уу-хаар биэрэр утумнарын уларытарга харчы суох. Дьэ, киһи кэлэйэр, дьиксинэр дьыалата.
Оттон салайааччыларбыт мантан кыбыстыбаттара буолуо дуо? Бу куорат саамай килбэйэр киинэ – Ленинград проспега. Коммунальнай утумнар кыаммат буолан, Ленинград проспегын 21, 23, 25 дьиэлэрин аттыгар амырыын сыт аҥылыйар. Туох эрэ мэлдьи тохтор, тэстэр. Кыһын оройугар дьиэлэр анныларыттан уу тэстэн, муус буолар. Хас киһи хоолдьугун тэлгэммитэ ааҕыллыбат. Быйыл кыһын, хата, улахан тымныы түспэккэ, саахал тахсыбата.
Аныгыс сырыыга маннык сатаҕай хаһаайыстыба күппүлүү барар кутталлаах. Дьэ, көрүҥ, маннык ДьУоХХ-лаах олоробут.
Станислав Алексеев, Мииринэй куората.
