Чурапчы улууһугар Улуу Кыайыы 75 сылыгар анаммыт бэтэрээннэр күннэрэ ыытылынна. Ол чэрчитинэн улууска социальнай политика уонна пенсионнай харалта исписэлиистэрэ кэлэн олохтоохтору кытта көрүстүлэр.
Ол курдук юридическай, социальнай уонна биэнсийэ боппуруостарыгар сүбэ-ама биэрдилэр. Үс ытык кырдьаҕаска дьиэлэригэр сырыттылар. Ону таһынан, Дьокуускайтан гериатр-быраас бэтэрээннэри көрдө.
Исписэлиистэр “Организация партнерской деятельности общественных организаций ветеранов и молодежи” диэн тиэмэҕэ “төгүрүк остуолга” кытыннылар. И.М.Павлов аатынан 2-с №-дээх оскуола үөрэнээччилэрин кытта көрүстүлэр уонна Хатылы нэһилиэгин түмэлин көрдүлэр. Тэрээһин Үһүс саас оскуола бэтэрээннэрин быыстапкатынан уонна “Алгыс” бэтэрээннэр уус-уран самодеятельноһын кэнсиэринэн түмүктэннэ.
