Чурапчы улууһун киин балыыһатын сүрүн бырааһа Артем Ксенофонтов иһитиннэрбитинэн, атын эрэгийиэннэртэн кэлбит 16 киһи бэйэлэрэ изоляцияланан сыталлар. Кинилэр туруктара үчүгэй.
Ону таһынан 75 миэстэлээх обсерватор бэлэмнэммит. Улуус баһылыга Андрей Ноговицын, тустаах эбийиэктэр үлэлииллэрин бэлиэтээтэ. Олохтоохтор профилактика миэрэлэрин тутуһалларыгар тоһоҕолоон эттэ. Билигин улууска муҥутуур бэлэмнээх буолуу эрэһиимэ биллэриллибитэ. Ону таһынан, суһал штаб үлэлиир.
