Дьокуускайга Кытай Хэйлунцзян куоратыттан үс мөлүйүөн устуука мэдиссиинэ мааскатын бастакы баартыйата кэллэ. Бастакы уочаратынан мэдиссиинэ, полиция о.д.а. билиҥҥи ыарахан кэмҥэ үлэлии сылдьар сулууспалар үлэһиттэригэр биэриэхтэрэ. Бу туһунан СИА иһитиннэрэр.
Уопсайа биэс мөлүйүөн мааска атыылаһыллыбыт. Сотору кэминэн хаалбыт икки мөлүйүөн устуука мааска кэлэрэ күүтүллэр.
“Мааскалар өрөспүүбүлүкэ резервнэй пуондатын үбүнэн атыылаһылыннылар. Сотору иккис баартыйа кэлэрин күүтэбит”, – диэн СӨ доруобуйа харыстабылын миниистирин солбуйааччы Марина Максимова иһитиннэрдэ.
Кини этэринэн, мааскалары бастаан мэдиссиинэ үлэһиттэригэр, санитарнай быраастарга, полиция, Росгвардия үлэһиттэригэр биэриэхтэрэ. Бу нэдиэлэҕэ улуустарынан түҥэтии саҕаланар.
