Өрөспүүбүлүкэ күнүнэн “Яндекс” хампаанньа бэртээхэй бэлэҕи оҥордо. Ол курдук “Яндекс.Переводчик” өҥөҕө саха тыла киирбитин туһунан иһитиннэрдэ. Бу туһунан “Instagram” социальнай ситимҥэ Ил Дархан Айсен Николаев маннык суруйар:
“Мантан инньэ баҕалаах дьон саха тылын 98 атын омук тылыгар тылбаастыыр кыахтаннылар. Бу киберпространстваҕа саха норуотун тыла сайдарыгар уонна сүтэн хаалбатыгар сүдү суолталаах хардыы буолар. “Яндекс.Переводчик”, “Google Translate” о.д.а. тылбаастыыр өҥөлөр саха тылын өйүүллэрэ, социальнай ситимнэргэ биһиги тылбытын тылбаастааһыны киллэрэллэрэ – бу кэккэ ыытыллар үлэлэр буолаллар. Бу хайысханан үлэ, дьэ, саҕаланан эрэр, үүнэр көлүөнэҕэ наадалааҕын өйдүөхтээхпит”.
