Дьокуускайдааҕы Госавтоинспекция халлаан усулуобуйата тупсуор диэри ыраах айанныыртан туттунарга ыҥырар.
Ол курдук, аҕыйах сырыылаах куорат таһынааҕы суолга соҕотоҕун айаннаабакка сүбэлиир. Өскөтүн хайаан да барар кыһалҕа тирээтэҕинэ, суоппар үчүгэйдик тэринэн, толору бэлэмнээх айанныахтаах диэн ГАИга этэллэр.
“Суолга алдьанан турар массыынаны көрдөххүтүнэ, ааһан хаалымаҥ. Тохтоон көмөлөһүҥ, эбэтэр чугастааҕы нэһилиэнньэлээх пуун салалтатыгар, полицияҕа биллэриҥ. ГИБДД управлениетын дьуһуурунай чааһын төлөпүөнэ 8 (4112) 35-22-22, 127”, – диэн сэрэтэллэр.
Түүҥҥү кэмҥэ, хараҥаҕа, эбэтэр мөлтөх көстүүлээх (недостаточная видимость) буоллаҕына, сатыы киһини эбэтэр атын массыынаны көрөр уустук, онон бытааннык, сөпкө туормастыыр курдук айаннааҥ. Айаҥҥа турунуоххут иннигэр суолу сырдатар прибордаргытын бэрэбиэркэлээҥ.
Кулун тутар 30 күнүгэр, бээтинсэҕэ, тыал сөкүүндэҕэ 12-17 миэтэрэ түргэннээхтик үрэр.
