Киир

Киир

Быйылгы Судаарыстыбаннай кэлим эксээмэн (СКЭ\ЕГЭ) ыытарга Саха сиригэр 230 пуун үлэлиэҕэ. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

«Олортон оскуола базаларыгар – 224, доруобуйаларынан хааччахтаах оҕолорго анаан – 6 пуун тэриллэр», – диэн иһитиннэрэллэр. Эксээмэн ыытыллыан иннинэ уонна түмүктэннэҕинэ, хайаан даҕаны дезинфекция ыытыллар, оскуолаҕа киирээччилэри барыларын температураларын бэрэбиэркэлиэхтэрэ, киирэр ааҥҥа илиилэрин ыраастаналларыгар антисептик ууруллар. Маны таһынан, кылаас иһигэр оҕолору зигзаг форматынан олордуохтара – паартаҕа биирдии киһи уонна 1,5 м арыттаахтык олороллор. Кылааска 8-тан элбэх киһи киирбэт. Маны таһынан, Роспотребнадзор эксээмэн кэмигэр мааскалаах уонна бэрэчээккилээх буолалларыгар сүбэлиир. Быйыл 8761 киһи СКЭни туттарыахтаах, ол иһигэр 7948 – быйылгы выпускник.

Тарҕат:

Санааҕын суруй

Бүтэһик сонуннар