Киир

Киир

Өрөспүүбүлүкэҕэ Төрүт сокуону уларыытыга куоластааһын кыттыылаахтарын хоруона хамсыгыттан харыстаан, көмүскэнэр малларынан хааччыйыахтара диэн эрэгийиэннээҕи куттал суоһаабатын хааччыйар судаарыстыбаннай кэмитиэт пресс-сулууспата иһитиннэрэр.

Маны таһынан ыарыыттан көмүскүүр малларынан быыбадыыр хамыыһыйа чилиэннэрин, кэтээн көрөөччүлэри уонна СМИ бэрэстэбиитэллэрин хааччыйыахтара. Онуоха биирдэ тутуллар мэдэссиинэ мааскатын, бэрчээккилэри, халааттары уонна ыраахтан температураны мээрэйдиир термометры уонна анал экраны атыыласпытар. Куоластааһын кэнниттэн ону улуус кииннэригэр уонна куораттарга биэриэхтэрэ.

Санатар буоллахха, Арассыыйа Төрүт сокуонугар уларытыылары киллэрэр туһунан куоластааһын от ыйын 1 күнүгэр ыытыллыаҕа. Саха сиригэр 799 быыбардыыр учаастак, ол иһигэр 8 быстах кэмнээх учаастак үлэлиэҕэ.

Тарҕат:

Санааҕын суруй