“Доруобуйа” национальнай бырайыак иитинэн, Майа сэлиэнньэтигэр санавиацияны сайыннарар сыаллаах бөртөлүөт түһэр былаһааккатын тутан эрэллэр. Бу туһунан доруобуйа харыстабылын министиэристибэтин пресс-сулууспата иһитиннэрэр.
“Бу былаһаакка биһиги үлэбитин чэпчэтэрэ саарбахтаммат. Хас сырыы ахсын бэйэбит бөртөлүөт түһэр сирин ыраастаан эҥин моһуогурбат буоллубут”, - диир Мэҥэ Хаҥаластааҕы балыыһа кылаабынай бырааһа Андрей Павлов. Кини этэринэн, саҥа бөртөлүөт былаһаакката санавиацияҕа эрэ буолбакка, уопсай сыалга эмиэ туттуллуоҕа.
Биллиҥҥитэ мэдэссиинэ модуллаах санитарнай авиация Мииринэй, Орто Халыма, Нерюнгри, Ньурба куораттар балыыһаларыгар уонна Баатаҕай, Тиксии бөһүөлэктэрин киин балыыһаларыгар баазаланаллар.
