Бэс ыйын 22 күнүгэр 81 сааһыгар СӨ үтүөлээх артыыһа, "Гражданскай килбиэн" бэлиэ хаһаайына Тимофей Тимофеевич Сметанин күн сириттэн күрэннэ.
Тимофей Сметанин Кэбээйигэ кулун тутар 19 күнүгэр 1940 сыллаахха төрөөбүтэ. 1966 сыллаахха ССРС Аччыгый тыйаатырын иһинэн Щепкин аатынан Үрдүкү театральнай училищеныдрама уонна киинэ артыыһа идэлээх бүтэрбитэ. 1996-1977 сс. Ньурбатааҕы көһө сылдьар драма тыйаатырыгар, оттон 1977 сылтан Былатыан Ойуунускай аатынан Саха тыйаатырыгар үлэлээбитэ. Кини 54 сыл эҥкилэ суох тыйаатыр ускуустубатыгар үлэлээбитэ. Кинини көрөөччүлэр талааннаах киинэ уонна драма артыыһын быһыытынан, оттон тыйаатыр эйгэтигэр – пьеса тылбаасчытын уонна инценировкалары туруорааччы быһыытынан сыаналыыллар. Тимофей Сметанины ордук „Ханидуо и Халерхаа“испиктээххэ Саайыра, „Свободы жарком дне“ туруорууга Лобенгула, „Хапсыһыыга“ Ньукулай Бурҕаат, «Дьадаҥы Дьаакыпка» Дьаакап оруолларынан өйдөөн хаалбыттар. Тимофей Тимофеевич дьиэ кэргэнигэр, чугас дьонугар дириҥ кутурҕамытын тиэрдэбит.
