Улуу Кыайыы 75 үбүлүөйдээх сылын уонна дойдубут тэбэр сүрэҕэр Кыайыы Параада ыытылларынан, бүгүн Дьокуускайга сэрии тиэхиньикэлэрэ сэлэлээн айаннаатылар. Бу туһунан бырабыыталыстыба пресс-сулууспата иһитиннэрэр.
Куорат киин уулуссаларынан ДОСААФ эрэгийиэннээҕи салаатын кэллиэксийэтиттэн ретро-тиэхиньикэлэр айаннаатылар: бронетранспортердар, ГАС массыына, норуокка биллэринэн “трехтонка” – ЗИС-5 грузовик. Маны таһынан аныгы тиэхиньикэ: БТР-70, БТР-80. Бу массыыналары утары иһэр массыыналар уруйдаан-айхаллаан көрүстүлэр. Түмүккэ параад кыттыылаахтара Кыайыы Болуоссатыгар венок уурдулар. Москубатааҕы параад Саха сирин бириэмэтинэн киэһэ 16 ч. көстүөҕэ.
