«Биир Ньыгыл Арассыыйа» баартыйа «Спасибо врачам» диэн аахсыйа тэрийбит. Баартыйа Саха Сиринээҕи салаатын сэкиритээрэ Айсен Николаев уонна Дьокуускайдааҕы толорор кэмитиэт сэкиритээрэ Владимир Аммосов өйөөһүннэринэн Саха сиригэр икки саҥа “Патриот” массыына кэлбититтэн, биирэ Сунтаар улууһугар барбыт. Бу туһунан улуус дьаһалтатын пресс-сулууспата биллэрэр.
Маҥан халааттаах аанньалларга сир үрдүнэн бүрүүкээбит хоруона хамсыгын уустук кэмигэр улуус дьонун-сэргэтин олоҕун араҥаччылыырга сөҕүмэр түбүктээх үлэлэригэр махтанан туран, Сунтаардааҕы олохтоох отделение салаатын сэкиритээрэ Анатолий Григорьев киин балыыһа кылаабынай бырааһыгар Светлана Ивановаҕа саҥа массыына күлүүһүн туттарбыт.
