От ыйын 18 күнүгэр алмааһы хостооччулар идэлээх бырааһынньыктарын бэлиэтээтилэр.
Быйыл бу өрөспүүбүлүкэни иитэн-аһатан, аар-саарга аатырдан олорор салаа тэриллибитэ 63 сылын бэлиэтиир. Бу кэм устата биһиги дойдубутугар сыалай индустрия баар буолла, онно хас эмэ уон тыһыынчаттан тахса киһи үлэлиир-хамсыыр, алмааһы көрдөөһүҥҥэ, производствоҕа сүҥкэн кылааттарын киллэрбит номох буолбут туруу үлэһит дьон баар буоллулар, оннооҕор сыалай династиялар үөскүүллэр. Үөрэх кыһаларыгар бу салааҕа анал идэлээхтэри бэлэмнииллэр.
Аан дойдуга бүрүүкээбит хоруона хамсыгынан сибээстээн, бу эйгэ эмиэ кэккэ ыарахаттары көрсөр. Ол да буоллар, үлэҕэ бэриниилээх дьон туруулаһыыларынан, сатабыллаах салайааччылар киэҥ ыырдарынан, ханнык да ыарахаттартан чаҕыйбакка, бу салаа өссө да сайдан иһиэ диэн эрэнэбит. Алмааһы хосточчулар иннилэригэр киэҥ далааһыннаах үлэлэр, сөҕүмэр былааннар үлэҕэ киириилэрэ, производствоҕа саҥа рекордтар күүтэллэр.
Алмаас индустриятыгар аан дойдуга баһылыыр оруоллаах АЛРОСА хампаанньаны салайан олорор Сергей Иванов бу ыарахан кэмҥэ тэрилтэ производственнай көрдөрүүлэрэ түспэккэ, стратегическэй суолталаах былааннаммыт үлэлэрэ олоххо киирэригэр, Саха сирин социальнай-экэнэмиичэскэй сайдыытыгар бары күүһүн ууран үлэлииригэр, сүҥкэн кылаатын киллэрэригэр саарбахтаабаппыт. Онуоха АЛРОСА хампаанньа хас биирдии үлэһитэ туора турбакка, бу салаа күүскэ сайдарыгар сыралаһан үлэлиэ диэн эрэнэбит.
Бу эйгэҕэ үлэлээбит, үлэлии-хамсыы сылдьар, сыһыаннаах дьону барыларын ааспыт идэлээх бырааһыньыккытынан итиитик-истиҥник эҕэрдэлиибит! Эһиэхэ тус олоххутугар, үлэҕитигэр-хамнаскытыгар ситиһиилэри баҕарабыт!
