Аҕыйах хонуктааҕыта СӨ Баайга-дуолга уонна сир сыһыаннааһыыларыгар миниистирэ Ньургустаана Пахомова социальнай ситимнэргэ быһа биэриитин кэмигэр элбэх оҕолоох ыалларга көрүллүөхтээх сир туһунан боппуруоһу таарыйда.
Кини этэринэн, 2020 сыл атырдьах ыйын 1 күнүнээҕи туругунан, өрөспүүбүлүкэ үрдүнэн барыта 24 313 үстэн элбэх оҕолоох ыал сир ыларга сайаапка биэрбит.
10 014 сир учаастагын түҥэппиттэр. Ыйга ортотунан 97 сайаапка киирэриттэн, 42-тигэр учаастак бэриллэр эбит. Сири туһааннаах улууска эбэтэр куоракка биэстэн итэҕэһэ суох сыл олорбут дьон ылыахтарын сөп.
Сүрүн кыһалҕа – ханна да сир тиийбэт. Ол гынан баран Дьокуускайга уонна да атын улуустарга сайылык, дача, сад уонна оҕуруот сирдэрин биэриэхтэрин сөп.
“Быйыл олохтоох салайыныыларга 1 469 учаастагы биэриэхтээхпит. Онтон 837 уччастагын Бүлүү улуустарыгар, 514-дүн – бырамыысыланнай оройуоннарга, 118-һын – Чурапчы улууһугар. Дьокуускай таһыгар Маҕанныыр, Намсырдыыр уонна Бүлүүлүүр суоллар сүнньүлэринэн, Тулагы Киллэм бөһүөлэгэр сирдэри бэлэмнии сылдьабыт. Олор сайабылыанньалаах дьоҥҥо уочарат быһыытынан тиксиэхтэрэ”, -- диэтэ миниистир.
Хотугу улуустарга сир уочара диэн суох. Саамай улахан уонна уһун уочарат Уус Алдаҥҥа, Бүлүүгэ, Сунтаарга, Чурапчыга, Намҥа, Мэҥэ Хаҥаласка уонна Аммаҕа баара бэлиэтэммит.
Сайабылыанньа суруйбут дьон уочараттарын Дьокуускайга Этот адрес электронной почты защищён от спам-ботов. У вас должен быть включен JavaScript для просмотра. саайтан, улуустар олохтоох сир уонна баай-дуол управлениетыттан билсиэхтэрин сөп.
