URA.RU информационнай ааҕыныстыба суруйарынан, Тюмень уобалаһын Ишимскэй уонна Абатскай оройуоннарыгар дьокутаакка хандьыдааттар эмискэ өлөннөр быыбар ыытыллыбатах. Бу туһунан эрэгийиэннээҕи быыбар хамыыһыйатын салайааччы Игорь Халин иһитиннэрбит.
Халин эппитинэн, онно быыбар балаҕан ыйын 20 күнүгэр көспүт. Кини "Абатскай оройуон Банниковскайдааҕы муниципальнай тэриллиитигэр уонна Ишимскэй оройуон Тоболовскайдааҕы муниципальнай тэриллиитигэр быыбар балаҕан ыйын 20 күнүгэр көстө. Онно дьокутаакка туруммут хандьыдааттар соһуччу өлөн хааллылар. Онон, сокуон быһыытынан эбии саҥа хандьыдаатар туруналларыгар бириэмэ бэриллэр", - диэн быһаарбыт.
Ханнык хандьыдааттар туохтан сылтаан өлбүттэрин Халин сиһилии кэпсии барбатах.
