Өрөспүүбүлүкэтээҕи хоруона хамсыгын бохсор суһал штаб иһитиннэрбитинэн, балаҕан ыйын 25 күнүнээҕи туругунан, Саха сиригэр эбии 79 киһи коронавирустаабыта биллибит. Бэҕэһээ 75 киһи ыалдьыбыта.
Ол курдук, Дьокуускайга – 40, Мииринэйгэ – 7, Тааттаҕа – 6, Алдаҥҥа, Үөһээ Бүлүүгэ , Мэҥэ Хаҥаласка, Хаҥаласка – 4-түү киһи сутуллубут. Чурапчы, Орто Халыма улуустарыгар – 3-түү киһи ыалдьыбыт, оттон Бүлүүгэ уонна Эдьигээҥҥэ – иккилии киһи сутуллубуттура бигэргэммит. Кинилэри кытары алтыспыт дьону булан изоляцияҕа ыыппыттар. Хомойуох иһин, биир киһи коронавирустан өлбүт.
Суукка устатыгар өрөспүүбүлүкэ лабораториялара 3994 анаалыһы чинчийбиттэр. Уопсайа хамсык кэмигэр 463 541 тест оҥоһуллубут.
