Киир

Киир

Хамсыгынан сибээстээн үлэ биэрээччилэр үлэһиттэрин ыраахтан үлэҕэ (“удаленкаҕа”) көһөрөн эрэллэр. Өскөтүн төһө даҕаны ыраахтан үлэҕэ көспүт кэннэ үлэ кээмэйэ кыччаабат буоллаҕына, хамнас эмиэ уларыйыа суохтаах, уруккутунан хаалыахтаах диэн СӨ Идэлээхтэр сойуустарын социльнай-үлэҕэ отделын салайаччыта Леонид Дырахов кэпсиир. Ол туһунан Ил Дархан уонна бырабыыталыстыба дьаһалтатын пресс-сулууспата суруйар.

Л.Дырахов этэринэн, ыраахтан үлэҕэ көстөххө үлэ миэстэтэ эрэ уларыйар, үлэ дуогабара оннунан хаалар, уларыйбат. Онон сибээстээн, дуогабарга ыйыллар хамнас (ол иһигэр акылаат, толуйуу уонна “көҕүлүүр” төлөбүр) толору төлөнүөхтээх.

“Көһөр туһунан быһаарыыны тэрилтэ салайааччыта ылынар, кини тэрилтэ иһинэн бирикээс, дьаһал таһаарыан сөп. Көһөрүү түмүгэр үлэ дуогабарын усулуобуйата уларыйарынан (үлэлиир сирэ), хас биирдии үлэһити кытта булгуччу суругунан эбии сөбүлэһии (допсоглашение) түһэрсиллиэхтээх. Ону идэлээхтэр сойуустарын тэрилтэтэ көрүөхтээх”, - диир Дырахов.

СӨ Идэлээхтэр сойуустара ыйытыы, өйдөммөт түгэн үөскүүр түгэнигэр маннык аадырыска суруйаргытыгар ыҥырар: Этот адрес электронной почты защищён от спам-ботов. У вас должен быть включен JavaScript для просмотра..        

Тарҕат:

Санааҕын суруй