Сунтаар сэлиэнньэтигэр алтынньы 21 күнүгэр улуус дьаһалтатын аактабай саалатыгар тулаайах уонна төрөппүт көрүүтэ-истиитэ суох хаалбыт оҕолору олорор дьиэннэн хааччыйыы бырагыраама иитинэн Сунтаар нэһилиэгэр аныгы ирдэбилгэ эппиэттиир, толору хааччыллыылаах кыбартыыраларга күлүүстэри икки эдэр ийэҕэ — Сардаана Михайловаҕа уонна Иванна Яковлеваҕа улуус баһылыга Анатолий Григорьев үөрүүлээх-быһыыга майгыга туттарбыт. Бу туһунан улуус дьаһалтатын пресс-сулууспата иһитиннэрэр.
Улуус баһылыга саҥа кыбартыыра хаһаайыттарыгар "Саҥа дьиэҕит куруук ыраас, сырдык, сылаас буоллун, дьиэҕитигэр дьол эрэ тосхойдун", - диэн алгыс тылын эттэ уонна дьиэ тутуутугар күүс-көмө буолбут дьоҥҥо махталын биллэрдэ.
