Дьокуускайдааҕы өрөспүүбүлүкэ клиническэй балыыһа пульмонологическэй отделениетын мэдэссиинэ сиэстэрэтигэр Екатерина Саввиноваҕа хоруона хамсыгын иһин хорсуннук киирсиитин иһин Лука Крымскай мэтээлинэн наҕараадалыахтара. Бу туһунан СӨ Доруобуйаҕа харыстабылын министиэристибэтин пресс-сулууспата иһитиннэрэр.
Маныаха туһааннаах уурааҕы дойду бэрэсидьиэнэ Владимир Путин өссө бэс ыйын 21 күнүгэр таһаарбыт. Оттон наҕарааданы бүгүн, алтынньы 22 күнүгэр, бырабыыталыстыба бэрэссэдээтэлэ Михаил Мишустин кыттыылаах тэрээһиҥҥэ туттарыахтара.
Екатерина Саввинова бу балыыһаҕа 1992 сылтан тохтоло суох таһаарыылаахтык үлэлиир. Кини хоруона хамсыга туруоҕуттан, бу ыарыыны бохсууга “кыһыл зонаҕа” киирэн үлэлиир.
Сэҥээриилэр